Wednesday, June 9, 2010

ക്ഷീരമുള്ളോരകിടിന്‍ ചുവട്ടിലും .......


ക്ഷീരമുള്ളൊരകിടിന്‍ ചുവട്ടിലും
ചോരതന്നെ കൊതുകിന് കൌതുകം

ഇങ്ങിനെ ആരോ പാടിയതോര്‍ക്കുന്നു.

എല്ലാ ജിവജാലങ്ങള്‍ക്കും അവരുടെ ജീവിതകാലയളവില്‍ ഓരോ ധര്‍മ്മം ഉണ്ടെന്നാണ് ജനയിതാവായ ജഗദീശ്വരന്‍ പറഞ്ഞിട്ടുള്ളത്. അങ്ങിനെ മനുഷ്യരാശിക്ക് വലിയൊരു ഭീതിപടര്‍ത്തുന്ന ഊതിയാല്‍ തെറിക്കുന്ന ഒരു ജീവിയാണ് കൊതുക്.

ഇത്രയും നിസ്സാരമായ ഒരു ജീവിയുടെ നിര്‍മ്മാര്‍ജ്ജനത്തിന് നമുക്കിത് വരെ കഴിഞ്ഞിട്ടില്ല. ലോകത്തില്‍ പലയിടത്തും സഞ്ചരിച്ചിട്ടുള്ള ഈ ലേഖകന്‍ നമ്മുടെ നാട്ടിലുള്ള അത്ര കൊതുക് പ്രശ്നം എവിടേയും കണ്ടിട്ടില്ല.

ജര്‍മ്മനിയിലും ഗള്‍ഫിലും വളരെ അധികം ജീവിച്ചിട്ടുള്ള എനിക്ക് ഇവിടെ നിന്ന് കൊതുകുകടി കൊണ്ടിട്ടുള്ളതായി ഓര്‍ക്കുന്നില്ല.

എന്റെ വീട്ടില്‍ എന്നെയും മകളേയും കൊതുക് അധികമായി കടിക്കാറില്ല. പക്ഷെ മകനേയും അവന്റെ അമ്മയേയും കൊതുക് വിടില്ല. കൊതുകുനിര്‍മ്മാര്‍ജനത്തിന്നായി നമ്മുടെ നാട്ടില്‍ ശരിയായ ഒരു പദ്ധതി സര്‍ക്കാര്‍ തലത്തില്‍ ആവിഷ്കരിച്ചിട്ടില്ലാ എന്നാണ് ഞാന്‍ മനസ്സിലാക്കിയിട്ടുള്ളത്.

എന്റെ വീട്ടുപരിസരത്ത് ഈ വര്‍ഷത്തില്‍ ഒരു ദിവസം മാത്രമേ മരുന്ന് തെളിക്കാന്‍ വന്നിട്ടുള്ളൂ.. കഴിഞ്ഞ ദിവസം സെപ്ടിക് ടാങ്കിന്റെ കുഴല്‍ മൂടിക്കെട്ടാന്‍ ഒരു കൊച്ചുനൈലോണ്‍ വല കൊണ്ട് തന്നു. വീടിന്റെ മേല്‍കൂരയില്‍ വന്ന് നില്‍ക്കുന്ന ഈ പൈപ്പിന്റെ മുകളില് ചെന്ന് ഈ വലകെട്ടാനുള്ള ത്രാണി വയസ്സനായ എനിക്കോ എന്റെ ശ്രീമതിക്കോ ഇല്ല. അത് അധികൃതര്‍ ചെയ്ത് തരേണ്ടേ?

ഇതൊക്കെയാണ് എന്റെ തട്ടകത്തിലെ നഗരസഭക്കുള്ള ഉത്തരവാദിത്വങ്ങള്‍. മഴക്കാലത്ത് മുറ്റത്ത് കെട്ടിക്കിടക്കുന്ന വെള്ളം സമീപത്തുള്ള കാനയിലേക്ക് ഒഴുകിപോകാന്‍ ഒരു സംവിധാനമില്ല. പണ്ട് അടുത്ത പ്ലോട്ട് ഒരു കുളമായിരുന്നു. വെള്ളമെല്ലാം ആ കുളത്തിലേക്ക് ഒഴുകിപോകുമായിരുന്നു.

ഇപ്പോള്‍ ആ കുളം ആരോ കൈവശപ്പെടുത്തി അതില്‍ വീട് പണിതു. അങ്ങിനെ വര്‍ഷക്കാലത്തെ വെള്ളക്കെട്ട് രൂക്ഷമായി. പിന്നെ സമീപത്തുള്ള ഒരു കാനയിലേക്ക് വീട്ടിലേക്ക് വരുന്ന വഴിയില്‍ നിറയുന്ന വെള്ളം ഒലിച്ച് പോകാന്‍ ഒരു വഴിയുണ്ടായിരുന്നു [ചാല്] . അത് അടുത്ത വീട്ടുകാര്‍ അടച്ച് ഒരു താല്‍ക്കാലിക ഷെഡ് അവിടെ നിര്‍മ്മിച്ചു. അങ്ങിനെ വീടും പരിസരവും വര്‍ഷക്കാലത്ത് കൊതുക് വളര്‍ത്തല്‍ കേന്ദ്രമായി എന്ന് പറയാം.


നമ്മള്‍ പറഞ്ഞ് വരുന്നത് കൊതുകിന്റെ ധര്‍മ്മം എന്താണ് എന്നതാണ്. മനുഷ്യന്മാരായ നമ്മുടെ ധര്‍മ്മം നമുക്കറിയാമല്ലോ? നമുക്ക് വിവേചനബുദ്ധിയുണ്ട്. മൃഗങ്ങള്‍ക്കും പക്ഷികള്‍ക്കും ഇത്തരം ബുദ്ധിയില്ല ഒരു പരിധിവരെ. എങ്കിലും മറ്റുള്ളവര്‍ക്ക് ഉപദ്രവമാകുംവിധം മാത്രമാണോ ഇവയുടെ സൃഷ്ടി..?

സസ്യജാലങ്ങള്‍ നാം ഭക്ഷിക്കുന്നു. ചെടികള്‍ നല്ല പുഷ്പങ്ങള്‍ തരുന്നു, സൌരഭ്യം പരത്തുന്നു. ചില സസ്യങ്ങള്‍ ഔഷധക്കൂട്ടുകളായി ഭവിക്കുന്നു. നല്ല സ്വാദുള്ള മാങ്ങയും ചക്കയും മാവ്, പ്ലാവ് എന്നീ മരങ്ങള്‍ തരുന്നു.

പശുക്കള്‍ നല്ല പാല്‍ തരുന്നു. അങ്ങിനെ ഓരോ ജീവജാലങ്ങളും ഒരു തരത്തിലെങ്കില്‍ മറ്റൊരുതലത്തില്‍ മനുഷ്യരാശിക്കും മറ്റു ജീവജാ‍ലങ്ങള്‍ക്കും ജീവോപാധിയായി മാറുന്നു. പക്ഷെ ഈ കൊതുക് മനുഷ്യന്റേയും മറ്റു ജീവികളുടേയും രക്തം കുടിക്കുന്നു.

പകല്‍ സമയത്ത് ചില കൊതുകുകള്‍ മുറ്റത്തെ പൂക്കളുള്ള ചെടികളില്‍ ചേക്കേറുന്നു. പൂക്കളറുക്കാന്‍ വരുന്നവരെ കൂട്ടത്തോടെ ആക്രമിക്കുന്നു. ഈ ചെടികളുടെ മുകളില്‍ അവര്‍ക്കെന്ത് കാര്യം എന്ന് ഞാന്‍ ചിലപ്പോള്‍ ആലോചിക്കാറുണ്ടായിരുന്നു.

“ക്ഷീരമുള്ളൊരകിടിന്‍ ചുവട്ടിലും
ചോരതന്നെ കൊതുകിന്‍ കൌതുകം“

ഇത് നോക്കൂ… എത്ര വിചിത്രം.
ഇവിടെ അവര്‍ക്ക് പാല്‍ വേണ്ട. രക്തം മാത്രം മതി.

ഇനി അഥവാ രക്തം തന്നാലും പോരാ, സൌജന്യമായി രക്തം കുടിച്ചാലും പോരാ മരണം വിതക്കുന്ന വിഷം രക്തധാതാക്കള്‍ക്ക് പകരമായി കൊടുക്കുന്നത് ശരിയാണോ കൊതുകുകളേ?????????????

ചുമ്മാതങ്ങ് കുടിച്ചുല്ലസിച്ചാല്‍ മതിയില്ലേ കൂട്ടുകാരേ>>>
ഒരു തുള്ളി രക്തം തരുന്നതില്‍ വിരോധമില്ല പകരം മരണം വിതക്കുന്ന വിഷം ഞങ്ങളിലേക്ക് കുത്തിക്കയറ്റല്ലേ?\

ഞങ്ങള്‍ നിങ്ങളെ ഉപദ്രവിക്കാന്‍ വരുന്നില്ലല്ലോ? എങ്കില്‍ തരക്കേടില്ലാ. നിരുപദ്രവികളായ ഞങ്ങളേ എന്തിന് ശിക്ഷിക്കുന്നു കൊതുകിന്‍ കൂട്ടമേ?

കൊതുകിന്റെ കടിയേല്‍ക്കാത്ത ഏതെങ്കിലും ജീവിയുണ്ടോ നമ്മുടെ ഈ ഭാരതത്തില്‍ പ്രത്യേകിച്ച് ഈ കൊച്ചുകേരളത്തില്‍ ???????????????

ഫോട്ടോകടപ്പാട്:ഗൂഗിള്‍

6 comments:

ജെ പി വെട്ടിയാട്ടില്‍ said...

ക്ഷീരമുള്ളൊരകിടിന് ചുവട്ടിലും
ചോരതന്നെ കൊതുകിന് കൌതുകം

ഇങ്ങിനെ ആരോ പാടിയതോര്‍ക്കുന്നു.

എല്ലാ ജിവജാലങ്ങള്‍ക്കും അവരുടെ ജീവിതകാലയളവില് ഓരോ ധര്‍മ്മം ഉണ്ടെന്നാണ് ജനയിതാവായ ജഗദീശ്വരന് പറഞ്ഞിട്ടുള്ളത്. അങ്ങിനെ മനുഷ്യരാശിക്ക് വലിയൊരു ഭീതിപടര്‍ത്തുന്ന ഊതിയാല് തെറിക്കുന്ന ഒരു ജീവിയാണ് കൊതുക്.

Sukanya said...

നല്ല സമയത്ത് ഇത് പോസ്റ്റ്‌ ചെയ്തിരിക്കുന്നു. കേരളം കൊതുകുവളര്‍ത്തുകേന്ദ്രം ആവാന്‍ നമ്മളും കാരണക്കാരാണ്

mini//മിനി said...

കൊതുകുകൾക്കായി ഒരു ദിനം വേണ്ടെ?
കഴിഞ്ഞവർഷം കൊതുകിനെ ഓർമ്മിച്ചെഴുതിയത് ഇവിടെയുണ്ട്.
http://mini-kathakal.blogspot.com/2009/09/6.html

ഗോപീകൃഷ്ണ൯.വി.ജി said...

വളരെ രസകരമായി എഴുതി.മഴക്കാലം കൊതുകുകള്‍ക്ക് വസന്തകാലം.

ബിലാത്തിപട്ടണം / BILATTHIPATTANAM. said...

കാതിൽ കിന്നരിക്കും പടയാളി-
കൊതുകേ നീ കേട്ടുവൊയീ പുരാണം.

veenadevi said...


very good writing JP. We as a society are responsible for this condition. our people are so clean conscious, keep our house clean and throw all the dirt outside. [ our minds and thoughts vice versa!!]

v. meenakshy