Thursday, January 8, 2009

എന്റെ പാറുക്കുട്ടി……. [ഭാഗം 10]

ഒന്‍പതാം ഭാഗത്തിന്റെ തുടര്‍ച്ച….. >>>>

നേരം വെളുത്തത് രണ്ട് പേരും അറിഞ്ഞില്ല. ഉണ്ണിയാണാദ്യം എഴുന്നേറ്റത്. പാര്‍വ്വതിയെ തട്ടി വിളിച്ചു. പാര്‍വ്വതി ചാടിയെണീറ്റു. ഉണ്ണ്യേട്ടനെ മെല്ലെ ടൊയ് ലറ്റില്‍ കൊണ്ടിരുത്തി. എന്താവശ്യമുണ്ടേങ്കിലും വിളിക്കാന്‍ പറഞ്ഞു പാര്‍വ്വതി കതകിന്റെ അടുത്ത് തന്നെ നിന്നു. പുറത്തേക്ക് വന്ന ഉണ്ണിയെ പല്ല് തേച്ച് കൊടുത്തു."
"ഞാന്‍ കാപ്പി കൊണ്ടു വരട്ടെ?."
"കുളിക്കാതെ ഞാന്‍ കാപ്പി കുടിക്കാറില്ലാ എന്ന് നിനക്കറിയില്ലേ പാറുകുട്ട്യേ."
"ഞാന്‍ കുളിപ്പിച്ച് തരട്ടേ."
"എന്നെക്കൊണ്ട് നിനക്കാകെ ബുദ്ധിമുട്ടായി അല്ലേ പാറുകുട്ടീ.?"
"ഒരിക്കലും ഇല്ല.. ഉണ്ണ്യേട്ടാ. ഉണ്ണ്യേട്ടനെ അത്രക്കും ഇഷ്ടമുള്ളത് കൊണ്ടല്ലേ, എന്നെ എന്തു ചെയ്താലും ഞാന്‍ ഇവിടെ തന്നെ കഴിഞ്ഞുകൂടുന്നത്.അല്ലെങ്കീ ഞങ്ങളെന്നേ ഇവിടുന്ന് പോയേനെ.!ഉണ്ണ്യേട്ടനെണീക്ക്.. ഞാന്‍ കുളിമുറീല് ഒരു സ്റ്റൂള്‍ കൊണ്ടിട്ടിട്ട് വരാം..."
"എന്നെ മുറുകെ പിടിച്ചോ ഉണ്ണ്യേട്ടാ...മെല്ലെ....മെല്ലെ....നടക്ക്..."
"നി ഇവിടെ ഇരിക്ക്.."
"ആ കള്ളിമുണ്ട് അഴിച്ചെടുക്കാം..ഈ തോര്‍ത്ത് മുണ്ടുടിപ്പിക്കാം.."
"നീ അമ്മായിയോട് പറഞ്ഞോ നമ്മള്‍ കെട്ടിമറിഞ്ഞു വീണ കാര്യം.."
"ആ‍........ചെറുതായി സൂചിപ്പിച്ചു..."
"ഇനി അവിടെ ഇരുന്നോ ഉണ്ണ്യേട്ടന്‍..."
"പാര്‍വ്വതി വെള്ളം കോരി ഉണ്ണിയെ തലയിലൊഴിച്ച് ഒരു കൊച്ചുകുട്ടിയെ കുളിപ്പിക്കുന്ന ലാഘവത്തോടെ എല്ലാം ചെയ്തു.. തല നല്ലവണ്ണം തോര്‍ത്തി.. ഉണ്ണിയെ എഴുന്നേല്‍പ്പിച്ച് വേറെ ഉണങ്ങിയ മുണ്ടുടുപ്പിച്ചു. മെല്ല പിടിച്ച് നടത്തി കോലായില്‍ കൊണ്ടിരുത്തി.."
ഞാന്‍ കാപ്പിയുമായി ഇപ്പോള്‍ എത്താം.......
അതിന്നിടക്ക് പാര്‍വ്വതി ഉണ്ണിയുടെ തലയില്‍ രാസ്നാദി പൊടി തിരുമ്മിക്കൊടുത്തു........
"കുളിച്ച് കഴിഞ്ഞപ്പോള്‍ ഉണ്ണിക്ക് ഒരു ഉന്മേഷം തോന്നി.. പാര്‍വ്വതിയെ ഒരു പാട് തല്ലാറുണ്ട്.. എന്നിട്ടും അവളുടെ സ്നേഹം കണ്ടിട്ട് ഉണ്ണിക്കതിശയമായി. എന്നെ ഇത്രമാത്രം അവളെന്തിനാ ഇഷ്ടപ്പെടുന്നത് ഉണ്ണി സ്വയം ചോദിച്ചു. സംഗതികളൊന്തെക്കെയായാലും ഇടക്ക് പാര്‍വ്വതിക്ക് തല്ല് കൊള്ളാറുണ്ട്."
"ദാ..... കാപ്പി."
ഉണ്ണിയുടെ ഇടത് കയ്യിന് വലിയ കുഴപ്പമില്ലാ..കാപ്പി വാങ്ങി കുടിച്ചു....പത്രം വായിച്ചു...
"പാര്‍വ്വതീ........."
"എന്താ ഉണ്ണ്യേട്ടാ..."
"നീ പോയി വേഗം കുളിച്ചിട്ട് വാ..."
ഉണ്ണി നാളെത്തെ ജോലിക്കാര്യങ്ങളെക്കുറിച്ച് ആലോചിക്കുവാന്‍ തുടങ്ങി. കൈ ശരിയായില്ലെങ്കില്‍ എങ്ങിനെ ഓഫീസിലെത്തും. ഒന്ന് ഫോണ്‍ ചെയ്യണമെങ്കില്‍ തെക്കേമുക്ക് വരെ പോകണം. അതോ തുപ്രമ്മാനെ പറഞ്ഞയച്ച് ഓഫീസില്‍ നിന്ന് വണ്ടി കൊടുത്തയക്കാന്‍ പറയേണോ. ഒരു തീരുമാനത്തിലെത്താന്‍ പറ്റുന്നില്ല.
അനന്തതയില്‍ കണ്ണും നട്ടിരിക്കുന്ന ഉണ്ണിയുടെ ചെവിട്ടില്‍ മുഴങ്ങും വിധം പാര്‍വ്വതി ഉച്ചത്തില്‍ പറഞ്ഞു...
"ഞാന്‍ കുളികഴിഞ്ഞെത്ത്യേ......."
ഉണ്ണി ഞെട്ടിതിരിഞ്ഞു . അടിക്കന്‍ കൈ ഓങ്ങിയപ്പോള്‍ അസഹ്യമായ വേദന...
ഉണ്ണി വിഷണ്ണനായി ആ പെണ്‍കുട്ടിയെ നോക്കി അവിടെ ഇരുന്നു.അവളുടെ ഭാഗ്യം. ഇനി അവള്‍ അറിഞ്ഞും കൊണ്ട് ചെയ്തതാകുമോ?.. വിവരമില്ല്ലാത്ത പൊട്ടിപ്പെണ്ണല്ലേ.!
"പാറുകുട്ടീ......."
"എന്താ ഉണ്ണ്യേട്ടാ....."
"നീയെന്തിനാ എന്റെ ചെവിയില്‍ ഇങ്ങനെ ഒച്ച വെച്ചേ....?"
"തമാശക്കാ...."
"ഈ വയ്യാതിരിക്കുമ്പോഴാണോ തമാശ..?"
"പിന്നെ വയ്കുമ്പോ പറ്റുമോ? എന്നെ ഓടിപ്പിച്ച് തല്ലിച്ചതക്കില്ലേ?"
"പാറുകുട്ടീ..... നീ പോയി ഒരു പുല്ലായ എടുത്ത് വാ...."
"ദാ പുല്ലായ..."
"അത് നല്ലവണ്ണം കാറ്റ് ഉള്ള സ്ഥലത്ത് വിരിക്ക്. ഇനി ഞാന്‍ അവിടെ കിടക്കട്ടെ.."
"ഞാന്‍ തലോണ എടുത്ത് വരാം..."
"തലോണ വേണ്ട..."
"ഞാന്‍ നിന്റെ മടീല് തല വെച്ചോളാം.."
"ഹൂം...... ന്നാ ഞാനങ്ങ്ട്ട് ഇരിക്കാം..."
"ണ്ണ്യേട്ടന് വീശിത്തരണോ.?"
“ഏയ് വേണ്ട , ഈ കാറ്റ് മതി..”
“ഉണ്ണ്യേട്ടാനി ഉറങ്ങണ്ട. രാത്രീല് ഉറക്കം വരില്ലാ..ഉണ്ണ്യേട്ടാ ഞാനൊരു കാര്യം ചോദിക്കട്ടെ?”
“ഹൂം...........”
“ആരാ ഈ നിര്‍മ്മല?”
“നിര്‍മ്മലയെ പറ്റി മുഴുവനും പറയണമെങ്കില്‍ എനിക്ക് പൂര്‍ണ്ണ ആരോഗ്യം വരട്ടെ...” “കുറച്ച് പറഞ്ഞാല്‍ മതി...”
“അതേ നിര്‍മ്മല.....”
“ആ പറേയ്.......”
“ഇപ്പോ പറേണില്ലാ.......”
പാര്‍വ്വതി ഉണ്ണിയോട് കെഞ്ചി........ “പറാ ഉണ്ണ്യേട്ടാ....”
“നിര്‍മ്മല എന്റെ ഓഫീസിലെ പണിക്കാരിയാ...”
“എന്താ അവരുടെ പണി..?”
“അതൊക്കെ പറയണമെങ്കീ , ഞാന്‍ പറഞ്ഞില്ലേ, എനിക്ക് പൂര്‍ണ്ണ ആരോഗ്യം വരണം..”
“നിര്‍മ്മലക്കെത്ര വയസ്സായി?”
“ഏതാണ്ട് 25 വയസ്സുകാണും.”
“കല്യാണം കഴിഞ്ഞോ?”
പാര്‍വ്വതീ.........”ഉണ്ണിയുടെ സ്വരം മാറി..........
ഉണ്ണി അവിടെ കിടന്നുറങ്ങി പാര്‍വ്വതിയുടെ മടിയില്‍ തല ചായ്ച്ച്. പാര്‍വ്വതിയും അവിടെ ചുമരില്‍ ചാരി ഒന്ന് മയങ്ങി. മണി ഒന്നര കഴിഞ്ഞിരുന്നു. രണ്ട് തവണ ഭക്ഷണം കഴിക്കാന്‍ അവരെ അടുക്കള ഭാഗത്തൂന്ന് പാര്‍വ്വതിയുടെ അമ്മ വിളിച്ചിരുന്നു. അവര്‍ കിഴക്കെ കോലായിലേക്ക് അങ്ങിനെ വരാറില്ല. ഇന്ന് കാലത്ത് ഉണ്ണിയുടെ കാര്‍ പുറത്തേക്കെടുക്കാഞ്ഞതിനാല്‍ ഗേറ്റ് അടഞ്ഞു തന്നെ കിടന്നു. ആരൊക്കെ വന്നു പോയിരിക്കണ് ന്ന് ആര്‍ക്കും ഒന്നും അറിയില്ലാ. ഉണ്ണി ഇപ്പോഴും നല്ല ഉറക്കം. പാര്‍വ്വതി ഉണ്ണിയെ തട്ടി വിളിച്ചു......
“ഉണ്ണ്യേട്ടാ നമുക്ക് ആഹാരം കഴിക്കാം..”
“എനിക്ക് വിശപ്പില്ല...നീ പോയി കഴിച്ചോ....ഞാന്‍ അകത്ത് പോയി കിടക്കാം..ആ കിടക്ക വിരിച്ചിട്.....”
പാര്‍വ്വതിക്ക് വിശപ്പുണ്ട്. ആരെങ്കിലും ഒരു മിഠായി കൊടുന്നു കൊടുത്താല്‍ തന്നെ കുറച്ച് ഉണ്ണിക്ക് മാറ്റി വെക്കും അവള്‍. ഉണ്ണിക്ക് അസുഖം കാരണം വിശപ്പുണ്ടാവില്ല. പക്ഷെ ഉണ്ണി കഴിക്കുന്നില്ല്ലെങ്കില്‍ പാര്‍വ്വതി ഉപവാസം അനുഷ്ടിക്കും.
“ഉണ്ണ്യേട്ടന് ഞാന്‍ വാരിത്തരാം......വായോ ഉണ്ണ്യേട്ടാ.....നിക്ക് വെശക്ക്ണ്ണ്ട്.....”
‘നീ കഴിച്ചോ എന്റെ പാറുകുട്ടീ....”
“നിക്ക് ഉണ്ണ്യേട്ടന് തരാണ്ട് ഇറങ്ങുകയില്ലാ.....വായോ ഉണ്ണ്യേട്ടാ...ഊണു മുറീലിക്ക് വരാന്‍ പറ്റ്ണ് ല്ലെങ്കില് ഞാന്‍ ഇങ്ങ്ട്ട് എട്ത്തോണ്ട് വരാം...”
ശരീര സുഖം പോരാത്ത ഉണ്ണി പിന്നേയും അവിടെ ചുരുണ്ട് കൂടി കിടന്നു. പാര്‍വ്വതിയാണെങ്കില്‍ ധര്‍മ്മ സങ്കടത്തിലും.
“എന്നാ നീ ഇങ്ങോട്ടെടുത്തോണ്ട് വായോ....”
പാര്‍വ്വതി ഭക്ഷണവുമായെത്തി. ഞായറാഴ്ചയായതിനാല്‍ വിഭവങ്ങള്‍ കൂടുതലുണ്ടായിരുന്നു. മീന്‍ കറിയും, മീന്‍ വറുത്തതും, പപ്പടം, കൊണ്ടാട്ടം മുതലായവ’
“പാര്‍വ്വതീ എനിക്ക് കുറച്ച് ചോറ് തൈരും കൂട്ടി കുഴച്ചു തന്നാല്‍ മതി.. .”
“ശരി ഉണ്ണ്യേട്ടാ.....”
“ണീച്ചിരിക്ക്..... എന്താ പിന്നേം കിടക്ക്ണ്... ഭക്ഷണമൊക്കെ കഴിച്ച് ചൊടി വരേണ്ടേ?...”
തൈര് കൂട്ടി കുഴച്ച ചോറ് ഉണ്ണിക്ക് വാരി കൊടുത്തു.....രണ്ടുരുള തിന്നപ്പോഴെക്കും
“മതീ പാര്‍വ്വതീ........നിക്ക് ഇനി വേണ്ട.....”
“ഒരു ഉരുളയും കൂടി.......”
ദാ അങ്ങട്ട് നോക്ക്യേ ഒരു അണ്ണാരക്കണ്ണന്‍. പാര്‍വ്വതി കൊച്ചുകുട്ട്യോളോട് പറേണ പോലെയൊക്കെ പറഞ്ഞു കുറച്ചും കൂടി ചോറ് ഉണ്ണിയെ കൊണ്ട് തീറ്റിച്ചു. പാര്‍വ്വതി അവിടെ തന്നെ ഇരുന്ന് അവശേഷിച്ച ചോറും, കുറച്ച് കറികളും കഴിച്ച് ഉണ്ണിയെ അകത്ത് കൊണ്ട് വന്ന് കിടത്തി. ഉണ്ണി വീണ്ടും ഉറക്കമായി..
“ഇനി ഉറങ്ങേണ്ട, രാത്രി ഉറക്കം വരില്ല... പിന്നെ എന്നേയും ഉറക്കില്ലാ.....ണീറ്റിരിക്ക് ഉണ്ണ്യേട്ടാ.....”
പാര്‍വ്വതി ഉണ്ണീടരികില്‍ ഇരുന്ന് കൊണ്ട് കൈയില്‍ തട്ടാതെ ഉണ്ണിയെ കിക്കിളിയാക്കി...
അങ്ങിനെ ഓരോന്ന് ചെയ്ത് ഉണ്ണിയുടെ ഉറക്കം കളഞ്ഞു. ഉണ്ണിയോട് ഓരോന്ന് പറഞ്ഞും കൊണ്ടിരുന്നു. കളിയും തമാശയും, ചിരിയുമൊക്കെ ആയി. ഉണ്ണി പിന്നേയും കിടക്കയിലേക്ക് ചാഞ്ഞു. പാര്‍വ്വതി ഉണ്ണിയുടെ താടിയെല്ലില്‍ ചെറിയ
ഒരു കടി കൊടുക്കാന്‍ വന്നു. എന്നാലെങ്കിലും ഉറക്കത്തിന്ന് ഭംഗം വരട്ടെ എന്നാശിച്ചും കൊണ്ട്.
ചിലപ്പോള്‍ അടി കിട്ടിയെന്ന് വരാം. എന്നാലും കുഴപ്പമില്ലാ എന്ന മട്ടില്‍. പെട്ടെന്ന് ഉണ്ണി. ..
“എടീ പാര്‍വ്വതി, നിന്നോടാരാ ബ്ലൌസിന്റെ കഴുത്തിന് ഇത്ര വട്ടം വെക്കാന്‍ പറഞ്ഞേ?
എന്നിട്ട് അതിന്നുള്ളിലുള്ളതൊക്കെ പുറത്ത് കാണിക്കാന്‍....”
“ഞാനതിന് ഇത് പുറത്ത് പോകുമ്പോളൊന്നും ഇടില്ല....”
“പിന്നെ?.”
“വീട്ടിനുള്ളില്‍ മാത്രമെ ഇടുള്ളൂ.. സാധാരണ വൈകുന്നേരം മാത്രെ ഇങ്ങനെത്തെ പഴയതൊക്കെ ഉപയോഗിക്കാറുള്ളൂ..”
“ അമ്മേടെ കൂടെ അങ്ങാടീ പോയപ്പോ ഞാന്‍ തന്നെ എടുത്തതാ...”
“ഇന്നെലെ ഞാന്‍ കൊണ്ട് വന്ന തുണിത്തരങ്ങളുടെ കൂടെ ഉണ്ടായിരുന്നല്ലോ സാധാരണ എല്ലാവരും ഉപയോഗിക്കുന്ന തരം.
വേഗം അതെടുത്ത് മാറ്റിയിട്..”
“ശരി......... ഞാനിപ്പോ മാറ്റിക്കൊള്ളാം....”
“എടീ നിനക്കാ ജനലൊന്ന് അടച്ചുകൂടെ വസ്ത്രം മാറുമ്പോള്‍..”
“അതിന്ന് ഇവിടെക്കാരും വരില്ലല്ലോ.!”
“എന്നാലും അങ്ങിനെയല്ലല്ലോ.. പരിസരബോധമൊക്കെ വേണ്ടേ.?”
പാര്‍വ്വതി വിചാരിച്ചു, ഇതും പറഞ്ഞ് ഇനി തല്ല് പിടിക്കുമെന്ന്. നല്ല കാലത്തിന് ഒന്നും ഉണ്ടായില്ല’
പാര്‍വ്വതി ഉണ്ണിക്കിഷ്ടമുള്ള രീതിയില്‍ ഡ്രസ്സ് ചെയ്തു...
“ഹാ.... ഇപ്പോള്‍ എത്ര ഭംഗിയായിരിക്കുന്നു. !ഇനി നീയൊന്ന് പോയിത്തരൂ.....ഞാനൊന്ന് ഉറങ്ങട്ടെ.....”
“അങ്ങിനെ സുഖിക്കണ്ട ഇപ്പോ.....”
“ഞാന്‍ വയ്യാണ്ടിരിക്കയല്ലേ? എനിക്കാണെങ്കില് ഇപ്പോ ഒന്നും ചെയ്യാനും പറ്റില്ല..അപ്പോ ഉറങ്ങല്ലാണ്ടെന്താ പിന്നെ ചെയ്യാ?”
“ഉറങ്ങാന്‍ ഞാന്‍ സമ്മതിക്കില്ല..”
“എന്നാ നീ എന്തെങ്കിലും പറാ....”
“ഉണ്ണ്യേട്ടന്‍ എനിക്കൊരു കാര്യം സാധിച്ചു തരുമോ?”
“കാര്യം പറാ......പറ്റുമോന്ന് നോക്കട്ടെ...”
“പറ്റുന്ന കാര്യമാ..”
“എന്നാ പറാ...”
“അതെയ് എന്നെ ഉണ്ണ്യേട്ടന്‍ കാറില്‍ കയറ്റിക്കൊണ്ട് പോകാമോ?” ഞാനിത് വരെ ഉണ്ണ്യേട്ടനെ കാറില്‍ കയറിയിരുന്നിട്ടില്ല.
“നീ എല്ലാ ദിവസവും അതിന്നുള്ളില്‍ ഇരിക്കാറുണ്ടല്ലോ...”
“അത് ......... ഞാന്‍ കാറ് തുടക്കുമ്പോഴല്ലേ? .”
“പിന്നെ എങ്ങിനെയാ വേണ്ടെ.?” തെളിച്ച് പറാ.........
“എന്നെ കാറീ കേറ്റി എങ്ങട്ടെങ്കിലും ചുറ്റിക്കറക്കി കൊണ്ടാകാമോ എന്ന്...”
“ഞാനാരെയും എന്റെ കാറില് കേറ്റാറില്ല എന്ന് നിനക്കറിയില്ലേ?”.
“അത് ശരിയാ...” പക്ഷെ ഞാന്‍ അങ്ങിനെയുള്ള ആളലല്ലല്ലോ?.”
“നിനക്കെന്താ പിന്നെ കൊമ്പുണ്ടോ?”
“കളിയാക്കല്ലേ ഉണ്ണ്യേട്ടാ.. എന്റെ ഒരാഗ്രഹമല്ലേ.?”
“ഇപ്പൊ സൌകര്യപ്പെടില്ലാ...”
“പിന്നെപ്പോഴാ.?”
“അതിപ്പോ പറയാന്‍ പറ്റില്ല...”
“ഞാന്‍ പിണങ്ങും... എന്നെ കാറില്‍ കയറ്റിയില്ലെങ്കില്‍.
ഞാന്‍ ചോറ് വാരിത്തരില്ല..
ഞാന്‍ കുളിപ്പിച്ച് തരില്ല.
“അങ്ങിനെയാ.... എന്നാ നിന്നെ ഞാന്‍ ഈ മുറീന്ന് ഇറക്കി വിടും..പിന്നെ ഈ മുറീല് കയറ്റില്ല....”
“ഞാന്‍ വെറുതെ പറഞ്ഞതല്ലേ ഉണ്ണ്യേട്ടാ.?”
“മനുഷ്യന്‍ വയ്യാണ്ട് കിടക്കുമ്പോഴാ തമാശ പറേണ്...നീ പോയേ ഇവിടുന്ന്...പോടീ ഇവിടുന്ന്....
നീ പോവില്ലേ.?”
ഉണ്ണിക്ക് ദ്വേഷ്യം വന്നു.. തലയിണ എടുത്തവളെ എറിഞ്ഞു..അവള്‍ പോകുന്ന ലക്ഷണമില്ലാ എന്ന് കണ്ടപ്പോ വെള്ളം കൊണ്ട് വരുന്ന മൊന്ത എടുത്ത് ഒരേറ് കൊടുത്തു പാര്‍വ്വതിയെ.
സ്വാധീനമില്ലാത്ത കൈകൊണ്ടെറിഞ്ഞതിനാല്‍ മേല് കൊണ്ടില്ല......
അവള്‍ രക്ഷപ്പെട്ടു.
ഉണ്ണി വാതില്‍ കൊട്ടിയടച്ചു’

[തുടരും]


Copyright © 2009 All Rights Reserved

4 comments:

SreeDeviNair said...

ജെ.പി സര്‍,

മനസ്സ് അറിയാതെഒരു
ഉണ്ണിയേട്ടനും...
അറിയാന്‍ ശ്രമിക്കുന്നൊരു
പാറുക്കുട്ടിയും!

ആശംസകള്‍

മാണിക്യം said...

കെട്ടിമറിഞ്ഞു വീണത്
രണ്ടുപേരും കൂടി ആ വീഴ്ചയിലും ഒന്നും പറ്റീല്ല എന്ന പോലേ ഉയര്‍ന്ന് ദിനചര്യയില്‍ ഏര്‍പ്പെടുന്ന് പെണ്ണ്!
ഒരു കൊച്ചു വീഴചപോലും താങ്ങാനൊ അതിലെ ക്ഷതത്തോടെ അകാശം ഇടിഞ്ഞു തലേല്‍ വീണു
എന്ന ഭവത്തില്‍ കയ്യിലെ കരിന്തൊലി പോയത് പോലും പര്‍വതീകരിച്ച് നിസ്സാഹയനായി നില്‍ക്കുന്ന് പുരുഷപുങ്കവന്‍ ......

എന്നും ഇത്രേ ഒള്ളു..വീട്ടില്‍ എല്ലാവര്‍ക്കുമൊരു വൈറല്‍ ഫ്ലൂ വന്നാല്‍ ആണിനു വരുമ്പോല്‍ എന്താ അതിന്റെ പെരുപ്പം , അതേ സമയം അതേ പനിയുള്ള പെണ്ണ് വീട്ടു ജോലീം മറ്റു രോഗികളുടെ ശുശ്രൂഷയും ഏറ്റെടുക്കും രാത്രിയിലെ ഉറക്കം പോലും ഇല്ലാതെ ...

മാറൂല്ലാ ഈ ലോകം മാറൂല്ല. എല്ലാ തലമുറയും ഉണ്ണ്യേട്ടന്മാരും പാറുകുട്ടികളും തന്നെ..
എന്നാലും ഉണ്ണിയും പാറൂട്ടിയും ... :)

സുമയ്യ said...

hai unnietta..,
interesting all your topics.
ayushman bhava:

my home in chavakkad,nallapathy's in kochanoor.if you want put total visitors vidget,just go www.neocounter.com.

Sureshkumar Punjhayil said...

Prakashetta.... Vayikkan kothiyakunnu... Thanks a lot for sharing it..!!! Best wishes.