Friday, January 2, 2009

എന്റെ പാറുകുട്ടീ..... [ഭാഗം 6]

അഞ്ചാം ഭാഗത്തിന്റെ തുടര്‍ച്ച...

പാറുകുട്ടി സ്കൂള്‍ വിട്ടു വന്നു. നേരെ അമ്മയുടെ അടുത്തേക്കോടി. ഉണ്ണിയുടെ കാറ് ഷെഡില്‍ കാണാതെ അമ്മയോട് ചോദിച്ചൂ, പാറുകുട്ടി ഉണ്ണി സ്കൂളില്‍ വന്ന വിവരങ്ങളെല്ലാം പറഞ്ഞു.
എന്നിട്ട് നേരെ വീട്ടിലേക്കാണെന്നും ടീച്ചറോട് പറഞ്ഞിറങ്ങിയ ഉണ്ണിയെ കാണാതെ പാറുകുട്ടി പരിഭ്രമിച്ചു.

"അമ്മേ ഉണ്ണിയേട്ടനെവിടെ?"

"എനിക്കെങ്ങിനെ അറിയും എവിടെ അവനെന്ന്."

"എന്താ അമ്മേ ഇങ്ങനെ ഒക്കെ പറേണ്?"
'അപ്പോ സ്കൂളീന്ന് ഇറങ്ങിയ ഉണ്ണ്യേട്ടനിതെങ്ങോട്ട് പോയി?'...

അമ്മ മേശപ്പുറത്ത് പാറുകുട്ടിക്ക് കാപ്പിയും വൈകിട്ടുള്ള ചെറിയ കടിയും കൊണ്ട് വന്നു വെച്ചു.

"മോളെ നീ കാപ്പി കുടിച്ചിട്ട് ആ പറമ്പീ പോയി കുറച്ച് കൊതുമ്പും, അരിപ്പാകുടിയും ഒക്കെ എടുത്തോണ്ട് വാ. ഉണ്ണിക്ക് ഇന്ന് രാത്രിക്ക് പത്തിരി ഉണ്ടാക്കണം. പുറത്തെ അടുപ്പില് ഉണ്ടാക്കാം. വേഗം കാപ്പി കുടിച്ചിട്ട് പറേണ് കേക്കെന്റെ പെണ്‍കുട്ടീ."

"ഇല്ലാ....ഞാന്‍ കാപ്പി കുടിക്കില്ല... എനിക്ക് കാപ്പി വേണ്ടാ...പറേണിണ്ടാ ഇങ്ങള്...എവിടെക്കാ ഉണ്ണ്യേട്ടന്‍ പോയേ?"

"ഞാന്‍ പറഞ്ഞില്ലേ നിന്നോട് അവന്‍ ഇവിടെക്ക് വന്നിട്ടില്ലാ എന്ന്. അവന്‍ വരേണ്ട നേരമായിത്തുടങ്ങുന്നതല്ലേ ഉള്ളൂ..നീയെന്റെ അടുത്ത് നിന്ന് അടി മേടിക്കേണ്ട ഇനി...
പറേണത് ചെയ്യുന്നുണ്ടോ നീ.?"

"എടീ ജാനൂ ....നീ പോയി പറമ്പീന്ന് കുറച്ച് കൊതുമ്പും, അരിപ്പാകുടിയും എടുത്തോണ്ട് വാ.
ഈ പെണ്‍കുട്ടിക്ക് നൊസ്സാ ഇന്ന്. വെറുതെ അല്ല ഉണ്ണീടെക്കെന്ന് എപ്പോഴും അടി മേടിക്കണ്."

"അമ്മേ.... ഒരു കാര്യം പറഞ്ഞേക്കാം..ഉണ്ണ്യേട്ടന്‍ എന്നെ തല്ലിക്കോട്ടെ. ഞാനരോടേലും പരാതി പറഞ്ഞോ...ജാനുവേച്ച്യേ !"

"എന്താ പാറൂ."

"ഉണ്ണ്യേട്ടനെ കണ്ടോ?"

"ഉണ്ണി വരാനായിട്ടില്ലല്ലോ??"

അപ്പോ എവിടെപ്പോയി എന്റെ ഉണ്ണ്യേട്ടന്‍.. ഇനി ഇന്നാളെത്തെ പോലെ പിണങ്ങിപ്പോയോ.
അതിന് പിണങ്ങാനുള്ള വകയൊന്നും ഇവിടെ ഉണ്ടായില്ലല്ലോ..
ഇനി ആ ടീച്ചറുമ്മാര് എന്തെങ്കിലും എന്നെപ്പറ്റി മോശമായി പറഞ്ഞിരിക്കുമോ?..
ഏയ് അങ്ങിനെ വരാനിടയില്ല. പറഞ്ഞ് പറഞ്ഞ് ഇപ്പോ ആറുമണിയാവാറായി..

"ഈ ഉണ്ണ്യേട്ടനിതെവിടെ കിടക്കാ.അമ്മേ..... ഉണ്ണ്യേട്ടനെത്തിയില്ലല്ലോ."

"അവന്‍ വരാനാവുന്നതല്ലേ ഉള്ളൂ?"

"നീ പോയി ആ വിളക്കെടുത്ത് തുടച്ച എണ്ണയിട്ട് വെക്ക്. അമ്മ കത്തിച്ചു വെക്കാം ഇപ്പോ.
മോള് പോയി കൈയും മുഖവും കഴുകി നാമം ചൊല്ലാന്‍ തുടങ്ങിക്കോ...
ഉണ്ണി വരുമ്പോ അതൊക്കെ കണ്ടാല്‍ അവന് വളരെ സന്തോഷമാകും."

"ശരി അമ്മേ."

'എന്റെ ഉണ്ണ്യേട്ടനെ ഒരു കേടും കൂടാതെ വേഗം എത്തിക്കണേ എന്റെ കപ്ലേങ്ങാട്ടമ്മേ.' പാര്‍വ്വതി മനസ്സില്‍ പറഞ്ഞു...
പാര്‍വ്വതി നാമം ചൊല്ലാന്‍ തുടങ്ങി.. പാര്‍വ്വതിക്കെല്ലം ഉണ്ണിയാണ്. ഉണ്ണി കഴിച്ചേ ദൈവം പോലും ഉള്ളൂ..ഉണ്ണിയെ മനസ്സില്‍ ധ്യാനിച്ചു..

രാമ നാരായണ രാമ നാരായണ രാമ നാരായണ
രാമ നാരായണ രാമ നാരായണ രാമ നാരായണ
രാമ നാരായണ രാമ നാരായണ രാമ നാരായണ
ഹരേ രാമ ഹരേ രാമ രാമ രാമ ഹരേ ഹരേ
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ

പാര്‍വ്വതി നാമത്തില്‍ മുഴുകിയിരുന്നു. ഉണ്ണി വീട്ടിലെത്തിയിട്ട് , ഉമ്മറത്ത് നാമം ചൊല്ലുന്ന പാര്‍വ്വതിയെ അങ്ങനെ ഇമ വെട്ടാതെ നോക്കി നിന്നു. കുറുമ്പു കാട്ടുന്നവളാണെങ്കിലും, ആ മുഖത്തെ നിഷ്ങ്കളങ്കത ഉണ്ണി ശ്രദ്ധിച്ചു.


ഉണ്ണി ഒട്ടും ശബ്ദമുണ്ടാക്കാതെ വീട്ടിന്നുള്ളിലേക്ക് കയറിപ്പോയി. ഉണ്ണിയുടെ കാറ് വന്നതും, ഉണ്ണി വീട്ടിലേക്ക് കയറിയതും ഒന്നും പാര്‍വ്വതി അറിഞ്ഞില്ല. പാര്‍വ്വതിക്ക് അവളുടെ അമ്മയുടെ വിളി കേട്ടാണ് പരിസരബോധം ഉണ്ടായത്.
പാര്‍വ്വതി നേരെ അടുക്കളയിലേക്കൊടുമ്പോഴാണ് ഉണ്ണി മേല്‍ കഴുകി വരുന്നത് കണ്ടത്.. പെട്ടെന്ന് പാര്‍വ്വതി അന്തം വിട്ടു. ഇത് കണ്ടു ഉണ്ണി ചിരിച്ചു.

"അപ്പോ ഉണ്ണ്യേട്ടനിവിടുണ്ടായിരുന്നോ? എന്നെ പറ്റിക്കാനൊളിച്ചിരിക്കുകയായിരുന്നോ?
ഞാന്‍ സ്കൂളീന്ന് വന്നപ്പോ ഷെഡില്‍ കാറ് കണ്ടില്ലല്ലോ!"

"കാറൊക്കെ അവിടുണ്ടായിരുന്നു."

"അപ്പോ എനിക്ക് തോന്ന്യേതാ."


"ഹൂം............ നിനക്ക് തോന്നിയതാവാം."

"നീ വേഗം പോയി ഉണ്ണ്യേട്ടന് ഒരു നല്ല കട്ടന്‍ കാപ്പി ഇട്ടോണ്ട് വാ."

"ഞാനിപ്പോ കൊണ്ട് വരാം.."

ഉണ്ണി പതിവില്ലാത്ത വിധം വായനയില്‍ മുഴുകി' പാര്‍വ്വതി കാപ്പിയുമായെത്തി.

"ഉണ്ണ്യേട്ടാ ഇതാ കാപ്പി."

"അങ്ങൊട്ട് വെച്ചോ..നീ പോയി പഠിക്കാന്‍ നോക്ക്.."

പാര്‍വതിക്ക് പഠിത്തത്തില്‍ ശ്രദ്ധിക്കാന്‍ കഴിഞ്ഞില്ല. പാര്‍വ്വതിയുടെ ഉണ്ണ്യേട്ടന്റെ സ്വഭാവത്തില്‍ എന്തൊക്കെയോ മാറ്റങ്ങളുള്ള പോലെ പാര്‍വ്വതിക്കനുഭവപ്പെട്ടു

"ഉണ്ണ്യേട്ടാ... ഞാന്‍ ബാക്കി നാളെ പഠിച്ചോളാം. നാളെ ശനിയാഴ്ചയല്ലേ.. നിക്ക് സ്കൂളില്ലാ."

"ശരി..........ഇന്നാ നീ പോയി ചോറുണ്ട് കിടന്നോ.?"

"അപ്പോ ഉണ്ണ്യേട്ടന് ഭക്ഷണം കഴിക്കേണ്ടെ? ഞാന്‍ ഉണ്ണ്യേട്ടനൊടൊപ്പമെ കഴിക്കുന്നുള്ളൂ.."

"എന്താ നിനക്ക് ഒറ്റക്ക് കഴിച്ചാല്‍ ഇറങ്ങുകയില്ലേ?"

പാര്‍വ്വതിക്ക് ഉത്തരം മുട്ടി. എന്നോട് തമാശയെല്ലാം പറഞ്ഞിരുന്ന ഈ ഉണ്ണ്യേട്ടനിതെന്ത് പറ്റി. പാര്‍വ്വതി മറിച്ചൊന്നും പറയാതെ താഴെക്ക് നോക്കി നിന്നു. കരയാന്‍ തുടങ്ങി.
ഉണ്ണി കാപ്പി കുടിച്ചിട്ട്, ഉമ്മറത്തേക്ക് വന്ന് തിണ്ണയില്‍ നീണ്ട് നിവര്‍ന്നു കിടന്നു. പാര്‍വ്വതി തിണ്ണക്കരികില്‍ വന്ന് നിന്നു. പാര്‍വ്വതി കരഞ്ഞും കൊണ്ട്.....

"ഉണ്ണ്യേട്ടാ‍......... ഉണ്ണ്യേട്ടനെന്നൊട് ദ്വേഷ്യമാണോ ഇപ്പോഴും.?"

"ഏയ്.......ദ്വേഷ്യമൊന്നും ഇല്ല.പിന്നെന്താ ഇങ്ങിനെ?
എന്നോട് മിണ്ടുന്നില്ല.. ഒന്നും പറയുന്നില്ല... എന്നെ തല്ലുന്നില്ല. ഉണ്ണ്യേട്ടനെന്നെ തല്ലിക്കോ."

"ഞാനെന്തിനാ നിന്നെ വെറുതെ തല്ലുന്നത്."

"ഞാനിനി കുറുമ്പൊന്നും കാണിക്കില്ല...നല്ലോണം പഠിച്ചോളാം.നുണ പറയില്ലാ...
എന്നെ വെറുക്കല്ലേ ഉണ്ണ്യേട്ടാ...എനിക്കത് സഹിക്കാന്‍ പറ്റില്ലാ.."

ഉണ്ണി തിണ്ണയില്‍ നിന്നെണീറ്റിരുന്നു. പാര്‍വ്വതിയെ അടുത്തിരുത്തി. എന്താ സംഭവിക്കാന്‍ പോകുന്നതെന്ന് അറിയാതെ പാര്‍വ്വതിയുടെ ചങ്കിടിച്ചു.

"പാര്‍വ്വതീ..........നിനക്കെത്ര വയസ്സായി ഇപ്പോള്‍?

"എനിക്ക് പതിനഞ്ചാറാകാറായി."

"നീയിപ്പോ വലിയ പെണ്ണായില്ലേ.?"

"ഏയ്....... ഞാന്‍ ചെറിയ കുട്ടിയാ."

"അത് നിന്റ അമ്മക്കല്ലേ.?"

"ശരി വലിയ പെണ്ണായി...അതിലെന്താ പ്രശ്നം.?"

"നീയെന്താ ഇപ്പോഴും എന്റെ മുറീ തന്നെ കിടക്കണ്.?"

"ഞാന്‍ അവിടെല്ലാണ്ട് പിന്നെ എവിടെയാ കിടക്കാ.?"

"നിനക്ക് നിന്റെ അമ്മയുടെ അടുത്ത് കിടന്നൂടെ.?"

"അതിന് അവിടെ ജാനുവില്ലേ.?"

"അപ്പോ നിനക്ക് തട്ടിന്‍ പുറത്ത് പോയി കിടന്നൂടെ.?"

"അയ്യോ നല്ല കാര്യായി. എനിക്കവിടെ ഒറ്റക്ക് കിടക്കാന്‍ പേടിയാ."

" തട്ടിന്‍ പുറത്തെ മുറി വലിയതല്ലേ..നിങ്ങള്‍ക്കെല്ലാവര്‍ക്കും കൂടി അവിടെ കിടന്നു കൂടെ.?"

"ഞാനെവിടെയും കിടക്കില്ല. എനിക്ക് ഉണ്ണ്യേട്ടന്‍ കിടക്കുന്നിടത്ത് കിടന്നില്ലെങ്കില് ഉറക്കം വരില്ലാ..."

"അപ്പോ നിന്നെ കെട്ടിച്ചയക്കുമ്പോള്‍ എന്തായിരിക്കും സ്ഥിതി.?"

"അവിടെ ചിലപ്പോള്‍ ഒറ്റ്ക്ക് കിടക്കേണ്ടി വരില്ലേ..?"

"ഞാനിവിടുന്നെവിടേക്കും പോകില്ലാ.എനിക്ക് ഉണ്ണ്യേട്ടനെ വിട്ട് എങ്ങോട്ടും പോകാന്‍ പറ്റില്ല."

"എന്നും ഈ ഉണ്ണ്യേട്ടന്റെ അടിയും തൂപ്പും കൊണ്ട് കഴിയുന്നതിനേക്കാള്‍ നല്ലതല്ലേ നിനക്ക് കല്യാണം കഴിച്ച് പോണത്.?"

"അതു കുഴപ്പമില്ല...തല്ലുന്നത് എന്റെ ഉണ്ണ്യേട്ടനല്ലെ..എനിക്കൊരു പ്രശ്നവും ഇല്ലാ.. എനിക്കെന്റെ ഉണ്ണ്യേട്ടനെ കാണാതിരിക്കാനാകില്ല..."

പാര്‍വ്വതിയുടെ മുഖം പിന്നേയും വീര്‍ത്തു.....

"ഇനി ഈ സന്ധ്യാ നേരത്ത് കരയേണ്ട.നമുക്ക് ഭക്ഷണം കഴിക്കാം. അല്ലെങ്കീ നീ പോയി കഴിക്ക് ... ഞാന്‍ പിന്നാലെ വരാം.."

"അത് വേണ്ട...ഞാന്‍ ഇന്നേ വരെ..ഈ വീട്ടില്‍ വന്നേ പിന്നെ, ഉണ്ണ്യേട്ടന്‍ കഴിക്കാതെ കഴിച്ചിട്ടുണ്ടോ?"

"എനിക്കിന്ന് ഭക്ഷണം വേണ്ടെങ്കിലോ.?"

"എന്നാ ഈ പാര്‍വ്വതിക്കും വേണ്ട..എന്താ ഉണ്ണ്യേട്ടാ.. എന്നെ ഇങ്ങിനെ തീ തിറ്റുന്നത്.."

"ഞാന്‍ ഇനി ഉണ്ണ്യേട്ടാനിഷ്ടമില്ലാത്തതൊന്നും ചെയ്യില്ലാ എന്ന് പറഞ്ഞില്ലേ..
എന്നാ നീ പോയി നിന്റെ അമ്മയുടെ അടുത്ത് കിടക്ക്..."

"അതെനിക്ക് പറ്റില്ലാ ഉണ്ണ്യേട്ടാ‍....അവിടെ അമ്മേടെ മുറീല് ആ ജാനുവിന്റെ പൊട്ട മണമാ... പിന്നെ അമ്മേടെ തൈലത്തിന്റെ മണമൊന്നും എനിക്ക് പിടിക്കില്ലാ.."


"അപ്പൊ നീ എന്നെ വിടാനില്ല ലക്ഷണമില്ലാ അല്ലേ?"

"ഹൂം..."

"ശരി നിന്നെ ശരിയാക്കി തരാം നിന്നെ......നീ ഓടുന്നത് വരെ......"

"എന്നെ എന്ത് വേണേലും ചെയ്തൊ.ഞാന്‍ ഇത് വരെ അനിഷ്ടക്കേടായി ഒന്നും കരുതിക്കൂട്ടി ചെയ്യാറില്ലല്ലോ.."

"നീ വാചകമടിക്കന്‍ കേമിയാണെന്നറിയാം.പോയി ഭക്ഷണം എടുത്ത് വെക്ക്.."

"ഞാനൊരു കാര്യം ചോദിക്കട്ടെ?"

"ചോദിച്ചോളൂ. "

"ഇപ്പൊ ഏഴുമണിയല്ലേ ആയുള്ളൂ, നമുക്ക് ഒരു 9 മണി കഴിഞ്ഞ് ഭക്ഷണം കഴിച്ചാല്‍ മതിയില്ലേ?"
.
"അതെന്താ ഇന്ന് ഇങ്ങിനെ?"

"ഞാന്‍ അത് വരെ ഉണ്ണ്യേട്ടന്റടുത്ത് ഇരിന്നോട്ടെ.നീയ് പറേണത് കേട്ടാല്‍ വിചാരിക്കും, നീ ആദ്യമായിട്ടാ എന്റെ അടുത്തിങ്ങിനെ ഒട്ടിയിരിക്കുന്നത്..നിന്നെ നാറ്റമടിക്കുന്നല്ലോ?
നീ വൈകുന്നേരം മേല്‍ കഴുകിയില്ലേ?"

"ഇല്ലാ.."

"ഞാനിതാ പറയുന്നത്... നീ ഒന്നും അനുസരിക്കില്ലാ എന്ന്.."

"കിണറ്റിലെ വെള്ളത്തിന് ഭയങ്കര തണുപ്പാ.."

"അത് ശരി....... നീ അപ്പോ വലിയ സൂത്രക്കാരിയാണല്ലേ?നമ്മുടെ പറമ്പില്‍ ഇഷ്ടം പോലെ വിറകുണ്ടല്ലോ...... വെള്ളം ചൂടാക്കി കുളിച്ചുകൂടെ നിനക്ക്.?"

"നാളെ അങ്ങിനെ ചെയ്യാം.."

"അത് പറ്റില്ലാ.ഇപ്പൊ തന്നെ വേണം..അല്ലെങ്കീ എന്റെ കൂടെ കിടക്കേണ്ട.."

"ഇപ്പോ എനിക്ക് പറമ്പീ പോയി വിറകെടുക്കാന്‍ പേടിയാ.."

"എന്നാ നീ ഇന്ന് കലവറയില് പോയി കിടന്നോ.."

"വേണ്ട ഉണ്ണ്യേട്ടാ ! ഞാന്‍ കുളിച്ചാല്‍ മതിയല്ലോ..പച്ചവെള്ളത്തില്‍ തന്നെ കുളിച്ചിട്ട് വരാം."

"ശരി പോയിട്ട് വാ....വൃത്തിയില്ലാത്തവള്‍..എത്ര പറഞ്ഞാലും കേള്‍ക്കില്ലാ.."


"ഉണ്ണ്യേട്ടനിവിടെത്തന്നെ ഇരിക്ക്ട്ടാ...... ഞാന്‍ ഓടി വരാം."

-ഇന്ന് പൂര്‍ണ്ണ ചന്ദ്രനുദിച്ച രാത്രി.! ചേച്ചിയുള്ള നാളുകളില്‍ ചേച്ചിയോട്ടൊത്ത് മുറ്റത്ത് ലാത്തുമായിരുന്നു. ഉറക്കം വരുന്നത് വരെ..എന്തിനാ ഈ ഉണ്ണീനെ വിട്ട് ഇത്ര നേരത്തെ പോയെ എന്റെ ചേച്ചീ.. ഉണ്ണിക്ക് സങ്കടം അടക്കാന്‍ സാധിച്ചില്ല... ഉണ്ണിയുടെ കവിള്‍ത്തടം കുതിര്‍ന്നു...പെട്ടെന്ന് ഉമ്മറത്തേക്ക് കുളി കഴിഞ്ഞ് വന്ന പാര്‍വ്വതി കണ്ടത്, വിതുമ്പുന്ന അവളുടെ ഉണ്ണ്യേട്ടനെയായിരുന്നു. പാര്‍വ്വതിക്ക് സഹിക്കാനായില്ല.

"ഉണ്ണ്യേട്ടാ....... എന്തിനാ കരേണ്.? ഉണ്ണ്യേട്ടന് വയ്യായ എന്തെങ്കിലും ഉണ്ടോ?
തല വേദനിക്കുന്നുണ്ടോ?.. ഉണ്ണ്യേട്ടാ.."

"ഏയ് ഒന്നുമില്ലാ പാര്‍വ്വതീ."


"എന്നോട് പറയൂ ഉണ്ണ്യേട്ടാ. എന്താച്ചാലും പറഞ്ഞോളൂ എന്റെ ഉണ്ണ്യേട്ടാ‍..
എന്നെക്കൊണ്ടെന്തെങ്കിലും ബുദ്ധിമുട്ടുണ്ടോ ഉണ്ണ്യേട്ടന്...?"

പാര്‍വ്വതിയെ കെട്ടിപ്പിടിച്ച് നെറുകയില്‍ ചുംബിച്ചു. പെട്ടെന്നുണ്ടായ ചേച്ചിയുടെ ഓര്‍മ്മയും, പാര്‍വ്വതിയുടെ നിഷ്കളങ്കതയും എല്ലാം, അല്പനേരത്തേക്ക് ഉണ്ണിയുടെ സമനില തെറ്റിച്ചു.
ഒരു കൊച്ചുകുട്ടിയെ പോലെ പാര്‍വ്വതി ഉണ്ണിയുടെ കരവലയത്തിലൊതുങ്ങി......

"ഉണ്ണ്യേട്ടന്റെ പാറുകുട്ടീ.. നിന്നെ ഞാന്‍ ദ്രോഹിക്കുന്നുണ്ടോ.?"

"ഇല്ലാ.... ഒരിക്കലും ഇല്ലാ.......... ഉണ്ണ്യേട്ടാ‍... പാര്‍വ്വതി തെറ്റു ചെയ്തിട്ടല്ലേ ഉണ്ണ്യേട്ടന്‍ ശാസിക്കുന്നതും ശിക്ഷിക്കുന്നതുമെല്ലാം..
എന്നെ എന്തു വേണമെങ്കിലും ചെയ്തോളൂ........ ഉണ്ണ്യേട്ടാ.. എന്നോട് ഇവിടെ നിന്ന് മാറി കിടക്കാന്‍ മാത്രം പറയാതിരുന്നാല്‍ മതി..
ഉണ്ണ്യേട്ടന്‍ ടൂറിന് പോകുന്ന ദിവസങ്ങളില്‍ എനിക്കുറങ്ങാന്‍ പറ്റാറില്ല..
പിന്നെ ഒരാശ്വാസം എന്താച്ചാല്‍..... ഉണ്ണ്യേട്ടന്റെ ടൂര്‍ എപ്പളും ശനിയാഴ്ചയാണല്ലോ..
അപ്പോ ഞാന്‍ ഞായറാഴ്ച പകല്‍ കിടന്നുറങ്ങും.."

അമ്പെടീ കേമീ.! നീയാള് കൊള്ളാലോ.! നീ എണീച്ചേ വേഗം, എന്തെങ്കിലും കഴിച്ചുറങ്ങാം.
വാ........ഇതെന്താ ഇന്ന് പത്തിരി. ചപ്പാത്തി ഇല്ലേ ഇന്ന്'?"

"എന്റെ വിരല് പൊട്ടി വേദനയാ...അമ്മ ചപ്പാത്തി ഉണ്ടാക്കിയാല്‍ ശരിയാകുകയില്ലാന്നറിയാല്ലോ.. അതാ.. അമ്മ പത്തിരി ഉണ്ടാക്കിയത്."

"നോക്കട്ടെ നിന്റെ വിരല്‍.. ഹൂം, നാളെ ഉണ്ണ്യേട്ടന്‍ ആശുപത്രീല് പറഞ്ഞയക്കാം കേട്ടോ.
എന്താ കറി. പത്തിരിക്ക്.?പത്തിരിയുടെ കൂടെ കോഴിയിറച്ചിയാണ് ശരിക്കുള്ള കൂട്ട്...."

"അവിയലും, കാളനും ഉണ്ട്.."

"ശരി കഴിക്കാം...നിനക്ക് ചൊറിന്റെ കൂടെ കുഴക്കാന്‍ ചാറ് കറിയൊന്നുമില്ലേ.?"
എനിക്ക് ഇന്നെലെത്തെ മീഞ്ചാറുണ്ട്.....
എന്നാ എനിക്ക് കുറച്ച് തായോ...."

"ഞാനത് ചോറില്‍ ഇതാ കുഴച്ചു. കണ്ടില്ലെ?"

അത് സാരമില്ല...... കുറച്ച് എന്റെ കിണ്ണത്തിലേക്കിട്.........
കൊള്ളാമല്ലോടീ പാറുകുട്ടീ നിന്റെ മീഞ്ചാറുമിക്സ്...... നീ എന്റെതില്‍ നിന്ന് ഒരു പത്തിരിക്കഷ്ണം പൊട്ടിച്ചിടുത്തോ , ഇതെന്തോരം വലിയ പത്തിരിയാ! പകുതി നീയെടുത്തോ.."

"അയ്യൊ എന്റെ വയറ് നിറഞ്ഞു പൊട്ടും.."

"സാരമില്ലാ........ നല്ലവണ്ണം ദഹിച്ചിട്ട് കിടന്നാല്‍ മതി..."

"ശരി ഉണ്ണ്യേട്ടാ......ഞാന്‍ പാത്രം കഴുകി വെച്ചിട്ട് വരാം."

പാര്‍വ്വതിക്ക് ഇത്രയും സന്തോഷം ഉണ്ടായ ദിവസം അടുത്തൊന്നും ഉണ്ടായിട്ടില്ല.. ഉണ്ണിയുടെ സാമീപ്യം വേണ്ടുവോളം ആസ്വദിച്ച പാര്‍വ്വതി അതീവ സന്തുഷ്ടയായിരുന്നു. പാര്‍വ്വതി പാത്രങ്ങളെല്ലാം കഴുകി ഞൊടിയിടയില്‍ കിടപ്പുമുറിയിലെത്തി. ഉണ്ണി കിടക്കാനുള്ള തയ്യാറെടുപ്പിലായിരുന്നു..

"ഉണ്ണ്യേട്ടാ.... ഇത്ര വേഗം ഉറങ്ങാണോ?"

"ആങഃ! പിന്നല്ലാണ്ട്.......എനിക്ക് നാളെ ഓഫീസീപ്പോണ്ടെ.?"

"അപ്പോ എന്നോട് എല്ലാം നല്ലവണ്ണം ദഹിച്ചിട്ട് കിടന്നുറങ്ങിയാല്‍ മതിയെന്ന് പറഞ്ഞിട്ട് !"

"നീ പിന്നെ കിടന്നാ മതി.. ഉറക്കം വരുന്നത് വരെ ദേവീ മാഹാത്മ്യം വായിക്ക്....ഉണ്ണ്യേട്ടന്‍ കേള്‍ക്കട്ടെ.."


"ഓം ജയതീ മംഗളാ കാളീ ഭദ്രകാളീ കപാലിനീ
ദുര്‍ഗാ ക്ഷമാ ശിവാ ധാത്രീ സ്വാഹാ സ്വധാ നമോസ്തുതേ
ജയത്വം ദേവി ചാമുണ്ഡേ ജയ ഭൂതാര്‍ത്തി ഹാരിണി
ജയ സര്‍വഗതേ ദേവി കാളരാത്രി നമൊസ്തുതേ......."

അല്പനേരം കൊണ്ട്..... ഉണ്ണിയും പാര്‍വ്വതിയും നിദ്രയിലാണ്ടു......
[തുടരും]
Copyright © 2009 All Rights Reserved

10 comments:

J said...

പാറുകുട്ടീടെ ആറാം ഭാഗം വായിച്ചു.
വളരെ മനോഹരമാകുന്നുണ്ട് കഥ. സാറിനിതിനൊക്കെ സമയമുണ്ടല്ലോ എന്നാ ഞാന്‍ ആലോചിക്കണത്.
ഇത്രയും വലിയ ഒരു കമ്പനിയുടെ അധിപനായ താങ്കള്‍ക്ക് ജോലി കഴിഞ്ഞ് ഇതൊക്കെ എഴുതുവാനുള്ള സമയം ഉണ്ടല്ലേ.
സാറിന്റെ ആയുരാരോഗ്യത്തിന് പ്രാര്‍ത്ധിക്കുന്നു.
സ്നേഹത്തോടെ
ജാനകി

മാണിക്യം said...

“എന്റെ പാറുകുട്ടീ ”

പാര്‍വ്വതി നാമത്തില്‍ മുഴുകിയിരുന്നു. ഉണ്ണി വീട്ടിലെത്തിയിട്ട് , ഉമ്മറത്ത് നാമം ചൊല്ലുന്ന പാര്‍വ്വതിയെ അങ്ങനെ ഇമ വെട്ടാതെ നോക്കി നിന്നു. കുറുമ്പു കാട്ടുന്നവളാണെങ്കിലും, ആ മുഖത്തെ നിഷ്ങ്കളങ്കത ഉണ്ണി ശ്രദ്ധിച്ചു.


ഈ ഭാഗം മനസ്സില്‍ കണ്ടു !
എത്ര മനോഹരമായിരിക്കുന്നു...

എന്തിനാ ഈ ഉണ്ണീനെ വിട്ട് ഇത്ര നേരത്തെ പോയെ എന്റെ ചേച്ചീ? ..
കൃത്രുമത്വം ഇല്ലാതെ ഉണ്ണിയെ വരച്ചു കാട്ടുന്നു ...

ഇന്നലെ പുതുവര്‍ഷത്തില്‍ പ്രാര്‍ത്ഥിക്കാന്‍‌ ഇരുന്നപ്പോള്‍ ഞാന്‍ എന്റെ അച്ഛനോട് ഞാന്‍ ഇതേ ചോദ്യം ചോദിച്ചു.

ഓരോ ഭാഗം കഴിയുമ്പോഴും
മികവു കൂടൂന്ന എഴൂത്ത്...

ആശംസകളോടെ സസ്നേഹം മാണിക്യം.

ബിന്ദു കെ പി said...

കഥ നന്നാവുന്നുണ്ട് അങ്കിൾ.
ഉണ്ണിയും പാർവ്വതിയും തമ്മിലുള്ള ബന്ധം ഒരു പിടിയും കിട്ടുന്നില്ല. എന്തായാലും ഒരു സഹോദരീ-സഹോദര ബന്ധമല്ലെന്നു തോന്നുന്നു. കഥയിൽ ചോദ്യമില്ലല്ലോ അല്ലേ..?

ജെപി. said...

മാണിക്യ ചേച്ചീ
താങ്കളുടെ സന്ദേശത്തിന് വളരെ നന്ദി. ലോകത്തിന്റെ പല കോണുകളിലുള്ളവരും എന്റെ എഴുത്ത് ശ്രദ്ധിക്കുന്നുണ്ടല്ലോ.
ഈ എളിയവനായ എഴുത്തുകാരന്റെ വരികളില്‍ കിടക്കുന്ന ആശയം ഗ്രഹിക്കുന്നുണ്ടല്ലോ. എനിക്കതും മതി.
ഉണ്ണി അവന്റെ ചേച്ചിയോട് ചോദിച്ച അതേ ചോദ്യം താങ്കളുടെ അഛനോട് ചോദിച്ചല്ലോ?
ഇതൊക്കെ കേള്‍ക്കുമ്പോള്‍ എനിക്കുള്ള സന്തോഷത്തിന് അതിരില്ല.

ജെപി. said...

പ്രിയ ബിന്ദു
ഉണ്ണിയും പാര്‍വ്വതിയും തമ്മിലുള്ള ബന്ധം ഇപ്പോള്‍ ഒരു സംസാര വിഷയം തന്നെ.
എന്റെ ശ്രീമതിക്ക് ഞാന്‍ ബ്ലോഗ് എഴുതുന്ന വിവരം അറിയില്ല. ഞങ്ങളുടെ ക്ലബ്ബിലെ സീതച്ചേച്ചി ഇന്നെല ഫോണ്‍ ചെയ്ത് അവളോട് ചോദിച്ചത്രെ, ആരാണീ പാറുകുട്ടീന്ന്. സീതച്ചേച്ചിക്കെന്റെ ബാല്യം അറിയില്ലാ എന്നത് വേറെ വിഷയം. ഞങ്ങളുടെ സുഹൃത് വലയത്തില്‍ പാറുകുട്ടി ഒരു സംസാര വിഷയമാണ്.
എല്ലാം എഴുത്തുകാരന്റെ സങ്കല്പം മാത്രം. ഭാവനക്കൊത്ത് തൂലിക ചലിക്കുന്നു. നാളെ എന്താണെഴുതുന്നതെന്ന് എനിക്കറിയില്ല.

SreeDeviNair said...

ജെ.പി.സര്‍,

ഉണ്ണിയേട്ടന്റെയൌവ്വനത്തിനു
പറ്റിയ ഒരു അക്ഷരതെറ്റായി
പാറുക്കുട്ടി,മാറാതിരിക്കട്ടെ!

പാറുക്കുട്ടിയുടെ കൌമാര
സ്വപ്നങ്ങളില്‍ ഒരു പാഴ്
ക്കിനാവായി,ഉണ്ണിയേട്ടനും
മാറാതിരിക്കട്ടെ!

സസ്നേഹം,
ശ്രീദേവിനായര്‍.

പാറുക്കുട്ടി said...

അങ്കിളേ വരാൻ അല്പം താമസിച്ചുപോയി. സോറി.
അങ്കിളിനും കുടുംബത്തിനും ഞങ്ങളുടെ പുതുവത്സരാശംസകൾ!

" salabham " said...

vayichu vayichu enikku serikum swasam muttan thudangi ttoo..eee akamsha kondu... ayyyoo ingane njangale vishamippikkallee..kurachu adhikam ezhuthooonnee

വിജയലക്ഷ്മി said...

Aaraambhagavum othhri ishttappettu....prathhiekichhum"unni ammayenna chechhiyeorthhu karanhu poya aa bhagam vallaathe manassil kondu...inipart7 vaayichhunokkatte.

Sureshkumar Punjhayil said...

Chechiyude Ormma enneyum Novichu Prakashetta...!! Thanks..!!!